【識港網訊】香港單車徑寥寥可數，單車在路上行駛必須踩馬路，惟本港車多繁忙，經常出現私家車及單車爭路的情況。近日有私家車司機上載車cam片段，指在旺角彌敦道中線遇上單車手，私家車響號「提示後面好多車」，換來對方豎中指問候。事件引起網絡熱話，網民反應兩極。

彌敦道一向車多，左邊慢線有大量巴士站，部分路段劃為巴士綫。私家車司機行駛期間發現一輛單車靠中線行駛，形容對方「踩中線頂住條路」，當時自己「輕輕呠兩下」，希望提醒單車手靠左踩入慢線，免生危險。

這時聽到響號的單車手，一邊踩向慢線，一邊向私家車司機舉起粗口手勢，以示不滿。上載影片的私家車司機留言道：「呢條係彌敦道，唔係你屋企條單車徑，死返埋一二邊啦。我唔係驚你hi花我㗎車，係驚你跌落嚟，大家車底見就唔好啦。」

網民反應兩極

有網民直言很怕單車手在道路上左穿右插，形容好危險易生意外，認為私家車司機「好心著雷劈」，有人留言：「我讚成踩單車都應該要考牌」、「單車馬路當車咁用，件事本身就好誇張」、「單車L真係好L自私，又危險」。

不過，亦有很多網民認為片中的單車手正確使用道路，踩中線的做法並無不妥，反而響咹會令單車手緊張更危險。網友留言：「前面咁大架巴士在左邊停低上落客，唔係行中線，咁係咪行右線？」、「佢已經踩緊中線的左面，私家車覺得佢阻住，應該係私家車自己搵位從右面爬頭」、「扮咩好心吖，係人都知後面有車啦，呠人發洩就真」。

單車可沿巴士線行駛

根據香港運輸署《道路使用者守則》，除非巴士線上豎立了標誌，禁止單車駛入，否則單車可沿巴士線行駛。然而，在巴士線上的巴士，車速可能快過其他行車線上的車輛。單車手應在情況許可下讓巴士超越自己。

圖：車CAM特警@YouTube、運輸署