【識港網訊】明天（8號）是一年一度的國際婦女節，藝人朱慧敏（Queenie）日前接受藥廠邀請，以「過來人」身分拍攝短片，分享自己經歷及家人的故事，希望以生命影響生命，呼籲一眾女性關注BRCA基因突變問題。

Queenie的媽媽、婆婆及姨姨同樣因為乳癌離世，而她亦因此接受檢查，驗出帶有BRCA基因突變，即患上乳癌或卵巢癌的機會比一般人高。不過Queenie沒有視這家族遺傳病為「負累」，反而認為是一份禮物和使命，並感激媽媽將自己帶來世界：「媽咪喺我心目中好叻、好靚，係個心地善良嘅女強人，我能夠遺傳到佢嘅一切係最好嘅禮物，好多人話我個樣同媽咪好似，但我唔覺得，反而我覺得自己好似媽咪鍾意笑嘅性格。」

問到會否因帶有BRCA基因突變而感到擔心及焦慮？Queenie則認為自己活在當下，享受每分每秒：「由檢查一刻開始我已經有心理準備，以平常心面對，其實每個人都有機會患上癌症，我認為只要有正向信念、注意身心健康同定期檢查就可以，唔需要擔憂同恐懼。」為正向面對BRCA基因突變，Queenie非常注重飲食，選擇熱飲及茹素：「呢十幾年我都戒食紅肉，具激素食物，例如燕窩、雪蛤膏都唔會吃；發現自茹素後，唔單止皮膚靚咗，而且有逆生長，感覺愈來愈年輕青春。」

拍攝當天，Queenie出動不少價值不菲的私伙，包括多張跟媽媽的合照、出世時婆婆送給她的小綿被及當年參選香港小姐贏得的后冠，每件物品都具有深厚的紀念價值，看到后冠，她不禁提起往事，並不禁熱淚盈眶：「當年我選港姐嗰陣，媽咪發現患咗乳癌，但佢怕影響我參賽表現，刻意唔同我講，到我發現佢患癌嗰陣已經係晚期。」

雖然Queenie帶有BRCA基因突變，有半數機會遺傳下一代，但未有影響她組織家庭的念頭：「可能將來仔女係遺傳自爸爸，我相信心靈教育好重要，我會教佢哋感恩擁有嘅嘢。」對於感情，Queenie則表示持開放態度：「我好鍾意拍拖，如果你問我想幾時結婚？我可以答而家都想，我好想結婚，係因為件褂好靚，成日都想試吓着。」Queenie自爆現時不乏追求者，但她的擇偶條件是要思想正向、跟她一致，即使渴望結婚，但她強調絕不會降低要求。

原文鏈接：http://www.orangenews.hk/officelady/system/2019/03/07/010111644.shtml