【識港網訊】「劉思希學歷事件」真係陸續有嚟，繼林作同張堅庭後，今次蕭若元更加入埋，近日佢喺網台節目回應早前林作同張堅庭嘅對話，片段長達19分鐘。

片段一開始蕭若元先簡介林作背景，例如讀書、生活背景，同埋林作身上發生過嘅特別事。例如曾經公開自己媽媽電話，事實上個電話係林作亂作出嚟，最後電話嘅當時人被唔同地產經紀騷擾，佢又講到林作亂講話已破產，從而評論林作係玩世不恭嘅人。蕭若元都有講到，讀書叻同埋讀名校，只係代表你考試叻，對於識唔識做人、識唔識搵錢等其他事情上。對於林作長相，蕭若元就話佢樣幾好，不過就太細粒喇，以林作嘅身高可以同王祖藍一拼高下咁話。

林作對於蕭若元嘅評論都有回應，佢就話：「以後有人話我生得醜，我就會攞呢段出黎。燒山（指蕭若元）都話我幾好樣，我依家充滿自信。至於矮，係我營造出黎嘅姐。燒山唔知，其實我有171cm，夠駛。」林作睇嚟冇被打擊到，心臟果然好強大！

原文鏈接：http://www.orangenews.hk/officelady/system/2019/03/07/010111613.shtml