【識港網訊】

四年一度國際體壇盛事「冬季奥運會」將於2月4日在北京隆重舉行，無綫昨日舉行《2022 北京冬季奧運會》 記者會，並由無綫總經理曾志偉聯同中國香港體育協會暨奧林匹克委員會會長霍震霆擔任主禮嘉賓，兩人並率領無綫全體奧運主持及藝員，包括余德丞、鄺家銘、梁芷珮、丁子朗、鄭衍鋒、李思雅、林正峰、游嘉欣、 應屆港姐冠軍宋宛穎、亞軍梁凱晴、季軍暨友誼小姐邵初及最上鏡小姐楊培琳、專業評述團主持啟動儀式，而今屆「短道速滑項目中國香港代表」朱定文亦有到場分享入選心情及備戰情況，其他出席嘉賓還有中國香港體育協會暨奧林匹克委員會四位副會長，郭志樑博士、余國樑太平紳士、霍啟剛太平紳士及湯徫掄太平紳士等。

志偉表示於奧運期間，TVB透過旗下五條頻道提供超過120小時奧運直播節目及賽事精華，而OTT平台將設立奧運專區，9條奧運頻道播出接近1,700小時各項賽事。

志偉視后心水是黃智雯

志偉被問到日前舉行的《萬千星輝頒獎典禮》最高收視達到29.1點，他表示每年頒獎禮收視都好好。對於林夏薇奪「視后」引起爭議，不少網民替鍾嘉欣失落視后不值？志偉說：「今年選舉制度上係好公道，因為係觀眾同職藝員投票，得到最高票數的是眾望所歸，今年係自己第一年參與，加咗提前公布五強，好似金像獎咁，明年想增設導演、編劇、配音、美術獎項，因為只係一個《最佳劇集》係不足以鼓勵所有工作人員，盡量希望借鏡金像獎，令更加多幕後能夠得獎。至於評審制度，我希望喺最佳劇集及監製裏面，監製同導演佢哋參加的票數係多嘅，盡量做到公平公正，佢哋覺得應該攞獎的人，會值得得到應有獎項，頒獎禮最重要係得到大家認同攞獎的人，所以有待改善。」問到他的視后心水人選？他說：「其實我哋唔會一個人去投票，係會一大班人去討論，而大部分嘅獎項都係觀眾同工作人員嘅票數，而好記得臨收票數前嗰個禮拜，公司所有員工都有足夠時間去投票，所以佢哋個票數佔嘅比例都好大。（你本身心水視后係邊個？）其實我心水係黃智雯，覺得佢喺台慶表現好好，而另外佢喺劇集都有好好表現，但始終幾個人開會，各人心水都唔同，經過討論先知。」說到他被指在頒獎禮期間瞌眼瞓？志偉很大反應問：「係咩？每個人都總會有眨眼。」他否認瞌眼瞓。

宋宛穎與邵初將首度擔任冬季奥運會主持，二人稱心情緊張，要惡補資料做足功課。

原文鏈接：https://www.tkww.hk/a/202201/05/AP61d51521e4b0ec690cd67513.html