【識港網訊】賭王何鴻燊三房千金何超蓮昨晚着上Deep V裙出席珠寶活動，打扮性感，不過她解釋只是尊重場合，並非刻意性感。談到早前她為慶祝Instagram破50萬粉絲，晒露背溫泉相派福利，超蓮自爆被三太陳婉珍訓話，就算日後破100萬也敢派福利：「媽咪比較傳統，佢睇到相後都鬧咗我，叫我下次唔要再上載，我唯有聽教聽話，到100萬就唔上載啦！」

另外，提到龍鳳胎弟弟何猷啟日前自爆已婚，超蓮坦言感到震驚，沒想過弟弟會在當天宣布，又指自己與媽媽都有到海外觀禮，只是媽媽性格低調，認為家人知道婚訊便可，故不便透露弟弟註冊結婚的地點，以及補擺喜酒的詳情：「媽咪當然好高興啦，雖然我冇送禮物，但有幫忙籌備婚禮，例如攝影同服裝等等。」

談到猷啟想生龍鳳胎，超蓮即謂：「咁大鑊？聽聞有遺傳，但暫時未有好消息公布（媽咪想抱孫？）個個都想㗎啦！但媽咪最近較多抱貓，皮膚敏感都照抱。」至於自己有否被媽媽催婚？超蓮則表示：「冇，佢認為女仔要有事業，唔使急住結婚。」

此外，超蓮澄清爸爸何鴻燊每逢冬季便不宜四出頻撲，而且養和醫院的房間如身處家中，毋須急於出院。

原文鏈接：http://www.orangenews.hk/officelady/system/2019/02/27/010110869.shtml