【識港網訊】無綫節目《東張西望》靚女主持特別多，仲要唔少都係「有料之人」，成為咗節目嘅另類嘅賣點，其中林泳淘同利穎怡都係唔少網民熱烈討論嘅女主持之一，噚晚兩位靚女出席完節目嘅春茗聯歡晚宴後孖住搭港鐵，仲喺車廂入面影相擺上社交網，結果因為林泳淘一個留言惹嚟唔少迴響！

林泳淘上載嘅兩張合照入面，見到一張林泳淘挨向利穎怡身上嘟晒嘴，另一張佢就笑到見牙唔見眼，實行賣萌搶鏡。不過當林泳淘留言講到「我最愛的大波主持忠忠」後，就算佢點賣萌，網民嘅焦點都已經落喺着咗貼身衣、凸顯豐滿上圍嘅利穎怡身上！

眼見自己嘅身材畀好友拎嚟講，利穎怡都喺自己社交網晒合照反擊，晒出同樣喺港鐵車廂入面嘅合照，不過見到相中嘅林泳淘變咗矇豬眼搶Fo，而利穎怡更留言：「最愛寸我的大波主持淘淘」

唔少網民都大讚佢哋同樣係有料之人，仲講笑指《東張西望》係「波霸搖籃」，更有人提議佢哋到夏天一齊影張泳衣照，就可以知道「誰大誰惡誰正確」！

原文鏈接：http://www.orangenews.hk/officelady/system/2019/02/22/010110598.shtml