【識港網訊】藝人陳凱琳（Grace）日前宣布已經生咗囝囝Rafael，雖然依家專心坐月，但趁住噚日元宵佳節，Grace亦相約同為人母嘅好友陳嘉寶（Anjaylia）同賴慰玲見面，順便交流吓湊仔經。

事後佢哋分別喺社交網晒出聚會嘅相，見到佢哋散發住濃濃嘅少女味，點睇都唔似已經做咗人母，就連佢哋都不約而同留言話佢哋得18歲。不過最誇張都莫過於Grace，皆因生完冇耐嘅佢竟然零水腫，塊面同未生之前一樣咁尖；相反上個月底宣布生咗個囡嘅Anjaylia，就算生完冇乜大變化，但都特登攞隻手遮面自製V面。

兩位新手媽媽生完都仲咁靚，難怪連田蕊妮都忍唔住留言：「吓！個樣真係好似無生過咁喎！」賴慰玲都取笑兩位好姊妹話：「我都懷疑佢哋無生過！」至於一班網民仲話唔止Grace同Anjaylia，就連賴慰玲都弗到似無生過添，究竟3位靚媽有啲咩秘訣可以Keep住咁靚呢？

原文鏈接：http://www.orangenews.hk/officelady/system/2019/02/20/010110404.shtml