【識港網訊】古巨基（古sir）日前為香港半島酒店的聖誕亮燈儀式擔任特別嘉賓，並即場演唱了兩首經典聖誕歌「應節」，與大家迎接聖誕。古sir回想中學時如何歡度聖誕節：「我會約同學由沙田屋企去尖沙咀睇燈飾，每次經過半島酒店，都覺得好似一座擺滿藝術品嘅博物館，經過一定要喺門口個噴水池影相打卡。轉眼咁多年，冇諗過有一日能夠喺呢度唱歌，仲係一啲咁classic嘅聖誕英文歌，覺得真係好微妙。」

今次的表演，囝囝Kuson、古sir爸爸媽媽和外父外母都一齊捧場，Kuson更興奮得一邊看一邊大叫爸爸的名字。問到今年會買什麼聖誕禮物給Kuson，古sir謂：「今年應該會送關於九大恒星嘅圖書同埋玩具畀佢，因為佢最近好鍾意關於星球嘅嘢。（會否教Kuson唱聖誕歌？）佢睇完我今次表演之後，問我『爸爸，點解你唱咗我要喺學校表演嘅聖誕歌呀？』原來佢之後要喺學校表演《Santa Claus Is Comin’ to Town》，呢兩日我哋兩父子時常都會一齊練歌。」