古天樂出席慶功宴。

【識港網訊】電影《白日之下》11月9日踏入上畫第二周首日，累積票房成功衝破500萬元。該片日前舉行慰勞宴，答謝台前幕後一班工作人員，老闆古天樂（古仔）更現身打氣。

監製爾冬陞曾說過拍片需要古仔，當日他找投資者處處碰壁，直至找到古仔才獲得支持。古天樂現身慰勞宴，鼓勵團隊繼續努力，而黃妍亦有應大家熱情邀請，即場獻唱主題曲，古仔聽畢有感而發，感謝團隊助其圓夢。「多年前我已經跟爾冬陞講，想拍一部類似他當年的作品《癲佬正傳》一樣如此有社會性的電影，好感謝台前幕後完成這部《白日之下》，電影亦話畀觀眾聽，我哋香港電影人係有心、有能力拍一部好的作品。」而作為監製的爾冬陞，亦都再次公開感謝古仔和導演：「因為我其實做監製，我要放棄好易，如果唔係導演包括兩位編劇嘅堅持，佢哋不斷改劇本，再集合天時地利人和，電影唔會出現，呢部戲搵到第五間公司先有投資去開拍，古仔睇完劇本無考慮好耐，佢從演員角度覺得嗰戲好，再次多謝兩位。」

余香凝及梁雍婷憑電影月底出戰金馬獎，她們分別獲提名影后及最佳女配角獎，兩位都有互相鼓勵對方。余香凝亦指電影感染到身邊很多人：「同埋呢個士氣唔止我哋，更帶動到整個電影圈，身邊所有觀眾、朋友、所有人睇完都會幫我哋，分享叫人入場睇，好神奇，好感激全部人都幫助我哋。」