馮德倫自爆不擅理財。

【識港網訊】藝人馮德倫（Stephen）今日（6日）出席公開活動，自爆不擅理財，老婆舒淇卻懂得投資。

Stephen表示自己不會理財，也不懂買股票和投資地產，平時會找專業人士幫忙理財，問他與太太舒淇是否財政獨立？他表示：「當然係獨立。（投資邊個叻啲？）梗係佢叻啲，佢會買畫投資，我自己都鍾意畫。（你買錶或者車？）車就唔會喇，一落地就蝕，我有嘢需要先買，自己又唔大使。」Stephen指做歌手購置服裝花費較多，若有品牌贊助會慳下不少。問他最捨得使錢是哪方面，Stephen直言是旅遊，尤其是酒店方面，他稱：「住方面都希望住得好啲，如果附近環境靚，又可以出去跑吓步。」

剛拍畢劇集的Stephen，今日原定會開拍另一套美劇，但行程有所延誤，他笑言：「都幾好吖，可以留喺香港拍吓嘢，接吓job。」Stephen又透露正在籌備開拍電影《特警新人類3》，身兼導演及演員的他，透露屆時除了會原班人馬上陣外，亦會加入新演員，而現正在寫劇本階段，他說：「雖然都難就期，但呢個係我哋幾個演員都想做嘅嘢，所以就盡量去度，希望明年可以開拍。」