【識港網訊】證監會早前公布，虛擬資產交易平台「JPEX」屬無牌經營，唔少明星及KOL網紅捲入「JPEX」風波，昨晚《東張西望》報導有苦主斥「JPEX」經營手法可疑，投資者資金有入無出，苦主無法正常出金。苦主認為一眾KOL串通遊說投資，似涉嫌詐騙，並公開林作與投資者語音對話。

投資苦主「陳先生」接受訪問時，向主持陳瑞菱表示：「好多KOL不停咁樣去慫恿人，用任何邀請碼去加入呢個JPEX，我自己個人覺得佢哋全部KOL係夾埋囉。當你哋落貨嘅時候，佢哋就會逐個逐個不停同你講，JPEX有咩好處，點樣去投資，佢亦都會Show俾你睇賺到幾錢，所以呢個App係可以慫恿你哋去入錢」。

但證監會發表聲明當晚的凌晨，苦主「陳先生」經網友得知平台已無法提取資金，而當時的提款限額已改為1000美元，而手續費改為999美元，對比以往基本手續費3美元有相當大的分別。

林作於今年8月底時在中環娛樂行開設場外加密貨幣找換店OTC，並曾宣稱申請成為JPEX 合夥人，及透過社交軟件教人投資。《東張西望》播出林作與投資者的語音對話：「你download咗我個App未？你用咗我個邀請碼入JPEX未？可以有折嗰啲交易費。」不過在JPEX「出事」後，林作就迅速割席，自稱是受害人，及主動向警方備案，並向JPEX投資群組發送語音訊息提到：「大家如果自己都想向警察報案，你去普通嘅警局報案，並無任何效用，最基本嘅法律上嘅情況，就喺現時嚟講呢，佢個平台仲有運作，佢仲肯覆你，用唔同嘅理由都好，一般已經令到警方難以介入，所以呢如果自己想去警局，我就唔係太建議，無乜用。」