【識港網訊】姜濤為宣傳新歌《Dummy》，昨日（5月31日）現身商台擔任電台節目嘉賓，分享歌曲理念，期間更重提年初《叱咤樂壇流行榜頒獎典禮2022》表演被批評的事件，大爆曾經主動要求公司雪藏自己。

姜濤因為在籃球賽受傷，在休養後暴肥，及後在1月1日叱咤頒獎禮脹爆現身，加上跪地動作演出過火，因此飽受批評。他今次接受商台DJ謝茜嘉、梁文禮和Woody的訪問時，重提事件，坦言有影響：「通常我一落台就會睇返自己嘅表現，嗰陣已經覺得有啲唔對路，但冇諗過係海量式嘅報道，覺得係我呢5年嚟一個最Deep(沉重)嘅時期。嗰幾個月，我有同公司講不如我停一陣先，我自己要求：『不如你哋雪我吖！』」

面對海嘯式負評，姜濤也曾逃避，他坦言一直不敢翻看叱咤表演片段：「真係唔夠膽睇！有一日，我的起心肝開咗個電視，屋企個電視仲要好大，我喺最近嘅位置睇……我開電視睇，捱過咗嗰3分鐘。同大家一樣，我都好難捱！」最終他認真地拿起紙筆作自我檢討，打算逐步去解決，不再逃避，而首要是解決身型問題：「減肥先囉！我當然寫低咗自己乜嘢缺點，但要講會2、3點都講唔晒。」

他又分享出道5年間的心聲，認為無論是MIRROR團隊或者他自己個人都衝得太快，很多東西太快得到因而迷失，希望有時間停一停去思考：「我喺《叱咤》前已經做起咗啲歌畀今年，但嗰件事之後，我冇諗住再出歌。其實我諗住今年唔出歌，想畀自己安靜一年。」直至聽到這《Dummy》歌曲Demo後，就決定製作一首「自嘲」的歌曲。