【識港網訊】《中年好聲音》於昨晚（23日）迎來總決賽，最後六強的大對決一觸即發。總冠軍在吳大強、龍婷、李佳、羅啟豪、顏志恒及周吉佩之中誕生；而周吉佩最終通過種種考驗，贏得總冠軍的殊榮，同時，《中年好聲音》也圓滿結束。讓我們一起回顧一下比賽當中的情況！

在節目第一部分，26強參賽者率先合唱《不再猶豫》，為總決賽打開序幕。26強參賽者合唱《不再猶豫》，就像是把這半年比賽經歷、心情唱出來，同時勉勵著觀眾，道出追夢的勇氣！

總決賽中，6位參賽者為觀眾各帶來兩段精彩比賽演出。李佳在分別帶來慢歌《明日話今天》和快歌《熱情的沙漠》，李佳的老公，兒子都有到場支持。譚校長評論她的《明日話今天》說：「好識用咪，係尾嗰度有少少尾音有啲啲浮。」肥媽：「係開始感情爭啲啲。」而鍾鎮濤評論《熱情的沙漠》，說：「嘩，眼前一亮。我感覺你已經好似唱演唱會咁樣，你啲動作同埋歌係一齊，可以帶起觀眾情緒。」張佳添：「你冇畀啲dance搶咗，我對眼都係望住你，不過我覺得你定呢隻歌定得安全咗，低音咗少少。」

羅啟豪（英國豪）唱出《忘情號》。呂方評論：「我覺得佢整體表現都好好，開始有少少緊張，少少虛。」張佳添讚賞：「把聲好靚，今晚你真係有大將之風。」而在快歌方面，羅啟豪挑選了《疾風》。譚校長：「唱歌OK，跳舞好謹慎。好穩陣，好似溫拿健仔喺台上跳緊舞緊。」周國豐：「我覺得今日英國豪揀嘅兩首歌都好啱你唱，正如校長講以vocal冇問題，係舞步有啲問題。」

周吉佩以《Forever Love》迎戰，大受讚揚。鍾鎮濤十分滿意稱：「非常之非常之好。如果要挑瑕疵，係高音差咗少少。」張佳添也補充，開玩笑說：「你條紅色底褲發揮作用啦！你老婆煲咗咩靚湯畀你？把聲咁靚嘅？」而快歌上，周吉佩則選擇跳唱《跳舞街》。肥媽評論說：「我頭先同伍仲衡傾，佢話點解個key咁低，可以唱高啲。我話你少跳舞啫，要一路跳一路唱個key一定低啲㗎。」伍仲衡後來補充，說：「周吉佩你好有星味，好好睇，你今日係最有星味，不過我覺得你快歌唔夠energy。」

龍婷分別演唱《我曾用心愛着你》和快歌《瘋了》。校長譚詠麟認為《我曾用心愛着你》有瑕疵，說：「把聲好solid，屋企睇覺得非常好，但係現場睇唔係好突出。」伍仲衡也說：「今晚除咗比賽都係party，所以我畀分會鬆少少。不過今日有少少失準，有音準問題。如果你唱歌有返少少時代感會更加好。」

顏志恒演唱《爛泥》，評價一般。鍾鎮濤說他揸咪方法有誤：「你支咪好黐嘴，輕聲係好，但係一爆嘅時候，如果個音響唔醒水，就會好易拆。」而伍仲衡說感情未夠：「我唔鍾意你個A，我覺得有啲無病呻吟，over咗。呢隻歌要帶出一種大愛，我未feel到。」而在快歌上，他則獲稱讚。顏志恒快歌選擇跳唱《拒絕再玩》。張佳添說：「我睇得好開心，尤其中最後個金雞獨立，我想講一樣嘢，由聲夢一到而家，冇一個聽哥哥嘅歌我會un，係你唱我真係聽到un。你今日好型。」譚校長更表示顏志恒似david bowie。

吳大強演唱作品包括《吻別 x Take me to your heart》和《Sway》。演唱《吻別 x Take me to your heart》完畢後，譚校長問：「我想問呀，大強你係咪病呀？」吳大強回答：「有少系感冒。」譚校長：「係囉，我聽到把聲好似，今晚好似有啲問題。」肥媽則評論《Sway》：「佢唱英文歌好叻，佢唱呢啲歌啱晒佢把聲。」

最後，在比賽最終回合中，李佳以《Greatest Love of All》迎戰周吉佩的《愛很簡單》。最終，周吉佩以4分之差打敗李佳奪冠。

肥媽給評語時情感爆發說：「好開心，真係好開心，真係好開心。兩個都好盡力，真係唔識講，係咪好先？邊個贏都係應該嘅。」

校長又表示兩個人都值得奪冠：「好！吉吉係咁多次入面，今日係瞓身解數，連（櫃）籠底都攞埋出嚟，哈哈，有啲upup哋嘅味，不過係好嘢，好似陳皮一樣。佳佳都係穩陣，冇得傾啦，兩個都好，無論邊個贏都係實至名歸。」

最終比賽結果出爐！周吉佩，李佳和羅啟豪獲得冠，亞，季軍。祝賀他們！