【識港網訊】馬國明於今年（2023年）元旦向女友湯洛雯（靚湯）求婚成功，早前又曾提及計畫今年內結婚，但一直未提及確實日期。昨日（4月3日）靚湯穿桃紅色裙出席商埸活動，她首次透露婚禮將於年底舉行。

她指，一切正在籌備中，所有事馬明交給她決定，她計畫在外地舉行小型婚禮，並打算親自設計，不會請婚禮統籌師幫手，而婚禮舉行地點應是東南亞地區。被問婚期時，湯洛雯表示由於她與馬明都怕熱，不想行禮時大汗疊細汗，故婚期會在年底，但未必公開。

馬國明主演的劇集《隱形戰隊》大獲好評，不過劇中馬明與唐詩詠有親熱戲分，靚湯會否看到發火打爆電視機？「大家講笑啫，我只睇過預告，覺得好搞笑，我相信拍攝時會好蝦碌，始終馬明會怕女仔介意，比較大壓力。」又問及她婚後可否拍親熱戲？「有傾過，佢話錫係可以，但唔可以摸囉。」

早前有指馬明希望結婚後能早日生仔，湯洛雯表示自己仍然以工作行先，不過她指假如懷孕也會休息，「其實我哋兩個係好隨緣嘅，就冇話一結咗婚就即刻造人。」