【識港網訊】張致恆（Steven）於2019年與粉絲雯雯奉子成婚，並極速「三年抱三」，不過兩人的感情關係有如過山車，不時鬧離婚，但很快又被Steven箍煲成功。不過最近雯雯與網民聊天，強調與老公張致恒是「爸爸和媽媽」關係，昨日（9日）她在IG限時動態鬧爆張致恒「又廢又懶」，更放下狠話「完全唔理解你生存為乜！」

雯雯昨日（9日）在IG限時動態貼黑底白字留言：「做人窮唔緊要，但如果做人唔爭氣，樣樣嘢都仲要懶，咁就係廢。」雖然未有指名道姓罵誰，但明顯是怒轟老公張致恒，隨後雯雯再貼文斥張致恒無責任心：「你話你攰唔舒服要瞓覺，okay，咁我去執嘢，啲仔2:00要去到醫院，只係要求你畀嘢佢哋食，換衫準備好，我返嚟即刻出門口。1:30仲瞓喺張床，你要廢要懶無問題，但既然你要生小朋友，可唔可尊重下佢哋，唔好因為你嘅問題去影響佢哋，我真係忍唔到幾耐！完全唔理解你呢種人生存為乜！」

壓力爆煲的雯雯喜歡在IG玩「你問我答」抒發心情，有網民問：「Steven而家有冇工作？你哋收入OK嗎？」雯雯以狗狗擰歪面圖片回答：「佢嘅問題你問返佢本人。」另有人問及張致恒：「佢係咪因為工作辛苦先咁咋？」但雯雯只用苦笑滴汗emoji回應。

其實雯雯去年12月已暗示離婚，不過張致恒箍煲成功，相隔不夠一個月，雯雯宣佈陀第三胎；今年10月雯雯剖白結婚3年感受時又指Steven近年願意為了家庭而一直從事基層工作：「（天氣）30多度站在廚房走來走去，甚至洗碗、洗廁所、做清潔、執貨、搬搬抬抬、搬運，一概都不介意。每日放工回到家，依然繼續照顧小朋友、做家務，每晚哄兒子哄到5點睡覺，第二日8點起身返工，都依然每日堅持繼續。雖然生活依然未能夠平穩，但係我相信只要一家人不放棄，日子一定會過。」不過到12月初，雯雯又暗示婚變直認性格問題「勉強唔到」；在今年聖誕節當日，細仔因發高燒而到急症室求醫，佳節也要捱飯盒，雯雯上周透露細仔仍未康復，難怪她直言已感到身心疲累。