【識港網訊】十優港姐麥明詩（Louisa）近年淡出娛樂圈轉行，日前被爆與高大靚仔的前機師盛勁為同遊日本，更被拍下在機艙內毫不避忌地靠在男方膊頭入睡，不過有網民嘲笑麥明詩乘坐經濟位，很「cheap」。12月5日麥明詩霸氣回應，高EQ反擊網民批評，不過就未有否認新戀情。

麥明詩霸氣回應。（圖：louisa_mak@IG）

麥明詩在社交平台的限時動態發帖，帖中她截圖網民的討論，先是有人指她：「佢都要坐經濟位！」後來又有人回應：「又係喎，抵被人影咁都慳錢咁cheap！」而EQ高的麥明詩則在自己帖文中寫道：「係呀，我仲要用準備過期嘅Asia miles嚟換添！」

麥明詩過曾去也曾以高EQ回應網民批評。（圖：louisa_mak@IG）

其實過往麥明詩也曾經反駁網民言論，早前她被批「好多拜拜肉」及「建議你減一點肥啦」時，便借特首金句反擊：「一年前嘅我，的確好瘦，係，今日嘅我，多咗肥肉，有肚腩。點解？以結果為目標，依家唔使上電視，咪降低咗身形目標囉（同樣道理，萬一有廣告需要，我都可以好快達到目標㗎）」

兩人一早被傳緋聞

盛勁為2020年參加TVB 舉辦的《衝上雲霄大選》時，當時已傳出二人拍拖，但雙方一直否認戀情。到近日有傳媒報導，兩人同遊日本北海道，背包上都掛著同款烏龜公仔，也戴上同款口罩，如同熱戀中的情侶！

圖：louisa_mak@IG