【識港網訊】男團MIRROR成員Anson Lo（盧瀚霆）早前在《第4屆KKBOX香港風雲榜》舞台上激動落淚，11月30日Anson Lo接受商台903訪問時，他憶述當時已經死忍，但也忍不住落淚，對哽咽感內疚。他亦分享自己的初戀，以及自爆將推出個人服裝品牌。

Anson Lo稱：「我唔想因為喊而唱唔到，到一起歌，我望住個天同自己講『唔好唔好』，呂爵安唱第二句開始，我知道自己應該唔得啦，我真係唔好意思，作為表演者應該完成成首歌，但我冇咁樣做到，當刻係好對唔住。嗰一刻我好內疚，你哋咁辛苦買飛入嚟睇，我冇完整地完成表演，我好抱歉。」Anson Lo亦指自己已平復心情，叫粉絲不用擔心。

《永順街39號》MV現時已達350百觀看次數。（圖：《永順街39號》MV截圖@YouTube）

Anson Lo近日以初戀為題材推出新歌《永順街39號》，他透露與初戀女同學仍有聯絡，但由於女同學不想被起底，故不以女同學名字為歌名。他分享，初戀屬高冷型，當年會在枱底下寫字追女仔，追了一段時間便成功，兩人拍拖會拖手，又會吃同一份撈麵，兩人的戀情亦轟動全校，導致需要見家長，最終由於媽媽以專注學業為由反對，令這段戀情終結。

另外，Anson Lo早在半年前已開始籌備個人服裝品牌，會參與品牌的每件服裝設計。他稱，自己在拍攝《男排女將》已經想做，但因工作繁忙，未有時間處理，半年前才扚起心肝，「因為我好想做呢樣嘢，我本身好鍾意衫。」服裝品牌會有地舖，Anson Lo承諾粉絲可以優先購買，預計1月公布詳情。

最後，Anson Lo又暗示未來將參演劇集，計劃長約一年多，並且即將推出一首快歌。