【識港網訊】應屆港姐冠軍林鈺洧（Denice）的父母林俊賢和Jasmine，近日就當年家暴一事隔空罵戰，互相指控成「羅生門」事件。林鈺洧昨日（7日）回應事件，承認15歲時的確被父親要求去驗DNA。

林鈺洧出席活動時回應「羅生門」事件。（圖：林鈺洧@IG）

Jasmine控訴當年被林俊賢暴力對待，更指他多年後重遇林鈺洧首件事係驗DNA，隨後男方在微博逐一反駁前妻的指控。

林鈺洧昨日出席活動時回應事件，表示對於父母之間的罵戰不想過問及了解，亦不會插手調停，而遭父母公開家事確實有影響到她的心情。

她又力證媽媽無講大話，承認15歲時的確被父親要求去驗DNA，指：「我係有驗㗎，咁驗咗係佢個女，無可否認呀其實。」又直言：「冇所謂啦，驗咗仲好啦，其實都唔使驗啦咁似樣！」不過又幫父親解釋指他沒有說謊：「佢忘記咗啫，年紀大。」

有指Jasmine感謝女兒還了她一個清白：「知道囡囡講出真相，真係好欣慰，送畀我呢個回報仲好過佢攞個港姐后冠返嚟畀我睇，This is my magic moment！」

圖：林鈺洧@IG