【識港網訊】葵涌廣場一向有「掃街天堂」之稱，今年經歷第5波疫情後，新店如雨後春筍般越開越多，小編今次帶大家到葵廣掃街，試食4大2022年新店美食，想知有甚麼葵廣美食推介，即睇內文啦！
1.Something Cool：雪糕漢堡
Something Cool於今年年初開業，主打脆皮雪糕漢堡，招牌雪糕包括朱古力雪糕漢堡、綠茶雪糕等等，獲不少雪糕關注組成員推介。最近亦新推各種口味的飛碟漢堡，口味包括香蕉芝士榛子醬、蒲燒鰻魚芝士蛋、韓式泡菜豬肉，鹹甜點都有，而且份量十足。
脆皮雪糕漢堡獲關注組成員推介。（圖：橙新聞）
小編試食招牌朱古力雪糕漢堡（$38），店員會先將雪糕和棉花糖等配料放入漢堡，用飛碟機熱壓麵包烘成日本銅鑼燒造型，最後淋上楓糖漿及朱古力醬。入口稍有冰火交融的口感，漢堡經過熱烘外皮微脆，雖然較乾，但能中和雪糕加上醬料的甜膩感。
不過因雪糕漢堡經熱烘，所以一出爐雪糕便開始溶化，雖然店員有貼心附上手套方便進食，但不建議大家邊行邊食，最好一旁食完才繼續掃街。
招牌朱古力雪糕漢堡（$38）。（圖：橙新聞）
葵廣掃街｜Something Cool
地址：葵涌廣場3樓3069室T28號舖
營業時間：星期一至日12:00 – 22:00
2.hk9egg：流心炸蛋
今年6月才開業的hk9egg是流心炸蛋專賣店，共有6款醬料選擇，如黑松露、吞拿魚蓉、原條鰻魚、明太子沙律醬等等，全部炸蛋都是即叫即炸。
流心炸蛋專賣店。（圖：橙新聞）
今次試食明太子沙律醬炸蛋（$38/2件），炸蛋層次分明，外層有薄薄一層炸漿，中層用煙肉圍住溏心蛋，加上明太子沙律醬及飯素。咬下去外脆內軟，外皮酥脆香口但又不會太厚粉，溏心蛋流心有蛋汁。
不過小編原本以為明太子沙律醬會帶微辣，但入口明太子味道卻不太突出，而且略嫌油膩，是重口味人士之選。
明太子沙律醬炸蛋（$38/2件）（圖：橙新聞）
葵廣掃街｜hk9egg
地址：葵涌廣場2樓2010號舖
營業時間：星期一至日12:00 – 22:00
3.廢茶HEAHA：台式手搖飲品、小食
今年7月，全新台式手搖店「廢茶」進駐葵廣，以樹懶作主題，供應台式飲品及小食。店內擺滿了可愛樹懶公仔，可以和它們打卡亦可以買走帶回家！店內亦設有「廢茶小賣部」，售賣各式各樣的台灣包裝小食，如阿宗麵線、芋圓地瓜圓、月亮蝦餅等。
廢茶7月才進駐葵廣。（圖：橙新聞）
廢茶以樹懶作主題。（圖：橙新聞）
小編試飲廢事諗奶茶（$26）以及黑糖珍珠芝士奶蓋厚吐司（$32），均是廢茶的招牌美食。「廢事諗奶茶」名稱有趣，原來是由店員隨機挑選奶茶茶底，再加入珍珠和仙草，最適合有選擇困難症的朋友！奶茶茶味香濃夠滑，珍珠煙煙韌韌，加上爽口的仙草，兩者配搭特別。
至於吐司淋上濃厚奶蓋及黑糖珍珠，賣相吸引！奶蓋帶有芝士鹹味，珍珠煮得軟腍，口感十分煙韌，值得一提的是吐司相當酥脆。吐司偏甜而且份量十足，小編認為好飽肚，一個人難以食完整份吐司，建議大家和朋友分享。
廢事諗奶茶（$26）及黑糖珍珠芝士奶蓋厚吐司（$32）（圖：橙新聞）
葵廣掃街｜廢茶HEAHA
地址：葵涌廣場2樓2009號舖
營業時間：星期日至四12:00 – 21:30；星期五至六12:00 – 22:00
4. 澳洲仔 Foodporn：Taco、墨西哥雞肉卷
主打墨西哥食物的澳洲仔Foodporn於今年4月開張，Taco（墨西哥捲餅）、粟米片、墨西哥雞肉卷等都是招牌美食。Taco有接近10款配料同醬汁可以自由配搭，肉類配料可選牛肉、豬肉、蝦、牛肋條。
澳洲仔主打墨西哥食物。（圖：橙新聞）
小編試食芝士軟皮及脆皮墨西哥Taco（$44），店員大力推介牛肋條作為配料。牛肋條濃味，肉質十分腍，不太韌十分易咬，另外入面亦有椰菜及牛油果醬，相當足料。
牛肋條墨西哥Taco（$44）（圖：橙新聞）
另外亦試食牛油果醬粟米片（$40），牛油果醬加入蕃茄、洋蔥以及芝士，牛油果味突出之餘亦十分清爽，而且粟米片超脆，不會因放置太久而變腍。
墨西哥雞肉卷（$43）亦有不少人推介，雞肉卷外皮較軟帶煙韌口感，包裹香烤雞肉、番茄、菜絲，更加入老闆秘製蒜香醬汁，清新開胃。
牛油果醬粟米片（$40）及墨西哥雞肉卷（$43）（圖：橙新聞）
小編試食當天剛好遇上「Taco Tuesday」，每逢星期二全店第二件半價，十分抵食。大家想試食不妨趁星期二前往！
葵廣掃街｜澳洲仔 Foodporn
地址：葵涌廣場1樓B01A號舖
營業時間：星期一至日13:00 – 21:30
