【識港網訊】父母身教比一切都重要。一名運輸工人在網上發文，指自己在搬運石油氣期間遇到一對母子，媽媽竟當著他面前，以他作為「反面教材」叫兒子好好讀書。港媽無禮的教仔方式令人咋舌，而事發時樓主的大方回應則得到網友讚賞。

任職運輸業的樓主當時正在運送石油氣，一名小朋友問媽媽：「呢啲咩嚟架？」她回答指：「呢啲叫石油氣，好重架。」小朋友就說：「咁叔叔咪好辛苦？」媽媽竟然回覆道：「你唔想好似叔叔咁辛苦就要畀心機讀書！」

在旁邊的樓主把一切聽在耳裡，即時大方回應，對小朋友說：「叔叔就係細個冇讀書，大個咗就做運輸，做到運都輸埋。你唔想同叔叔一樣咁辛苦，就要好好讀書，大個咗就唔會咁辛苦，記得做個好人。」

事件引起網民議論，大部分人都認為港媽非常無禮，而且教育觀念錯誤，因為職業無分貴賤。有人留言：「其實讀唔讀到書，同大個做咩工並無關係，唔應該咁教個小朋友」、「其實嗰位家長真係唔應該咁樣同個小朋友講，好唔識尊重人，每個工種都有人做，每個工作崗位都有其重要」、「愈高級就愈歧視低層人士，缺少同理心同感恩，有高學歷都無用，做人係要心地好」。

圖：大埔人大埔谷@FB