【識港網訊】不少港人喜歡食日式放題，提前訂位都經常爆滿，最近防疫放寬又適逢節日，晚市放題大受歡迎。不過一名港女在荃灣一個商場嘆海景放題期間，以「實時報道」方式大呻中伏，白白呆等45分鐘都未上菜，直言淪為「維他奶放題」。食客不滿餐廳漏單情況混亂，當晚最終更驚動警方介入事件。不少網民都指有同樣的中伏經歷，籲其他人勿訂位。

「煉獄級」放題體驗

事主上載相片指，當日下午5時50分便入座，不足3分鐘已下單，但呆等了45分鐘才開始上菜。期間她和家人唯有不停飲紙包飲品「醫肚」，而且後來上菜速度亦極慢，直至兩小時的交枱時間到仍未食飽，事主怒斥「好嬲好sad！咁就$754(三位價錢)，我仲飲緊維他奶咋」。

她又指食物質素差，刺身又霉又細，蝦比手指尾幼至少一倍，拖羅薄得可憐。事主非常失望，認為食物選擇少，她說：「除非你好鍾意維他奶放題，今日連雪糕都無呀。」當晚食客眾多，餐廳人手不足，同場其他食客都被漏單，即使向經理投訴追單亦無用，事主稱：「啲客拍枱嘈緊，講晒粗口」，最後甚至出動警方介入。

網民質疑打手賣廣告

帖文一出引來熱議，因為這間日式餐廳的海景獲不少KOL及foodie好評，但網民試過之後紛紛大呼食物質素未如理想。不少網友表示中過伏「難食到懷疑人生」，有人留言：「明將繼承者」、「30分鐘冇嘢食到，我會起身離場」、「前幾日開始見到啲旅遊page有鱔稿介紹呢間海景放題……估唔到咁多人中伏」。

有曾發布該餐廳食評的foodie因應事件刪po，向因為她的介紹文而去的食客致歉，但否認是打手。亦有吃過該店的網民表示沒有不愉快經歷，相信今次可能只屬個別事件。

圖：自助餐/放題/飲食/酒店優惠情報分享@FB